夢想出走、夢想吾撈、夢想美食

...唔係神怪野.... 不過o係office...有陣時都覺得好多人都似鬼上身

以下全是真人真事改篇...如有雷同,實孰不幸

事件一

話說農婦還是"青衣"的時候, 有一次街市組同大耳窿要同推銷員組講交稅窿, 台下推銷員話我個窿價比隔離呀咸濕仔貴零點零幾巴仙....呀街市組o既窿姐就好有信心o甘答...."其實o甘只係每萬蚊貴兩毫子, 我唔信我既sales 唔值呢兩毫子!!!"

農婦當時初出茅廬, 聽到眼都凸埋, 出晒汗...慶幸自己未係推銷員...唔駛同個客講: "o甘我係唔係兩毫子都唔值呢??" (我實未出聲, 先笑死)...

[後話...市場証實d客唔想俾o個兩毫子....最終...當然係減價啦]

事件二

又話說某年年結, 全年個大數唔多靚, 呀財神好努力o甘執返條數俾事頭婆睇, 同時俾埋第二年第一個月的"month end" 俾佢睇 (條數靚好多...諗住安撫o下) 呀老闆娘問: "第一個月撥埋上上年得唔得??"  財神一邊流汗一邊答..."上年係講緊個12個月...." 呀老闆娘就發猛猙:"典解12+1唔係12??""...!!!!!

大家唔好話...係要有上述"痴"威先做到呀頭架, 上邊兩名神經刀, 一個家陣係某大上市的董事, 一個係街市大姐大大....