夢想出走、夢想吾撈、夢想美食

前排哥本哈根會議…話開會d人通宵傾都無收穫. 農婦就陪住佢無好…皆因不時發噩夢, 夢見水位上升, 耕地盡失, 太陽光來不了地球…....跟住大家過住真的人吃人, 絕望的日子…(詳情見"the Road"一書)

農婦係個好想環保, 但心靈兼肉體軟弱的人… 所以雖然想吃全素(連乳製品都戒), 但仍在吃肉; 想簡樸d, 但仍會搭飛機旅行; 想減少消費, 但仍會買玩具; 想多行路, 但仍會偶爾搭的士; 仍會買書… 喝可樂… 養寵物…

但是,為己為人... 都想慳得一ton(碳排放)得一ton …

Reuse, recycle, 紙用兩面, 買少d.......…呢d basic o野外, 大家有無其他獨門減碳秘笈分享呢?

農婦的小小分享(大家咪笑我低能), 志在拋磚引玉…

頭砲 -- 屋企沖涼篇

1. 慳水

你咪見香港大把水, 其實家陣地球(可用的)水資源已匱乏,加上要pump到家中又要能源...都係用少d好...

農婦屋企用煤氣爐,雖則話"即熱", 其實都要等一等...天寒地凍, 不能一開水就照頭淋...放水入桶, 之後用來淋花, 洗地....

農婦等緊個花洒頭retires, o甘就可以換個更慳水的花洒頭... 據聞慳水花洒頭水力好d, 對男性脫髮都幫到小小手...所以農公在熱切期待中

2. 要鹼唔要液

上網見話liquid soap 會用多d packing, 兼liquid soap有sulphur 同多d乜乜化學品, 對海洋生態唔好云云...

於是農家2010年開始用返肥皂...你咪話...雖然乾d, 但好似仲乾淨d, 有人仲話象牙對皮膚好