夢想出走、夢想吾撈、夢想美食

 

 

話說老公係鰻魚精, 於是每次到日本都要搵鰻魚飯俾佢. 旅遊書讚過的 (例如上野有過百年歷史的什麼榮, 柴又-----男人四十戇居居拍攝地----- 的長龍活河鰻舖都一一去過, 但食完都失望而回.)

so far, 食完有叮一聲感覺的還是要數日光的澤本, 舖頭至少有十年歷史 (97年第一次去嘛), 年輕時食"二重"--- 即除左面一層外中間仲有一層鰻魚, 現在淨食得落特上(得一層, 但魚再靚d) --- 嘩!!! 好食得不得了, 米當然係軟硬適中珍珠米, 鰻魚呢, 就又香, 又有汁.

你落order後, 澤本先生先送上鰻魚內臟湯(無乜特別),然後慢條斯理的用長炭燒鰻魚, 所以要預左等, 同無得催(得佢一個做, 有時澤本太太幫手招呼下), 但等待是有回報的.

一爿小店, 能吸引各方老饕 (有手持旅遊書的日本遊客, 有日光的街坊 --- 見過一位買外賣的, 是用日本漆器裝食物, 再用日式手染布包裹, 有味道得不得了!!!

去日光食澤本先生鰻魚飯, 除了等, 還要有遇上傾盆大雨的準備 (my hit rate was >50% during bright summer days), 雨傘是不管用的, 水鞋和雨衣才是最好裝備. 對上一次, 差d以為是....

聽講淺草都有美味鰻魚飯, 希望下次去試o下!!