夢想出走、夢想吾撈、夢想美食

我同農公最怕去飲,一係悶,二係D o野唔好食(唯一例外係某次去聘珍樓, 炸子雞同魚都靚到無訴可投....), 三係唔想應付同桌的無聊人.

話說某年被老爺好言相"迫",只好乖乖的去飲,同桌有我連有無見過都唔敢講的"農公唐兄".

這仁兄一開始便好"show off 格局"....不久便問:"農公,你在那裡做事?" (關你乜事?乜唔係問下"你最近好嗎"嗎?)

平時唔算精叻的農公竟能即時四兩撥千斤的答:"中環"

見呀唐兄 O 晒咀,想show off 下自己在邊樹做都唔得....

過左一陣, 呀唐兄又再出擊,今次自己出口,暗示o下自己在某大美資做......(但無人追問係邊間...

), 呀唐兄永不放棄,

再暗示自己成日要飛.....大家仲係無反應....客客氣氣又叉開話題......

我覺得人如果將自己的價值=份工(or 賺幾多$, 出幾多差)......就真陰公...

rather, 我會問自己做什麼人,有無盡量幫人,令別人開心,好好思考生命,愛護環境,看書,看畫.....

近來同中學同學聚舊, 大家先簡介呢廿年做過乜, 但討論時最關心都係感情生活, 興趣, 快樂唔快樂......幸好我中間無鍾意show off 的人...

我見有好多同事兼好友都計劃去start second career (definitely in a different field), 都要有d勇氣. 好朋友們 - 加油!! 雖然可能錢少好多, 但有穌哥"照" 住 ....一定得

至於農婦自己,

還在計劃中...

追加.....但自己有時都心虛..我可以o甘口o響,又o甘坦然, 會否因為自覺在世俗眼光中自己的"status"同呀唐兄至少"平起平坐"??? ......