升職和我的"雅各"syndrome－夢想出走、夢想吾撈、夢想美食

農婦最近升左職(the pot above was a present from co-workers).... 經歷左心情上的大起落.--->--->..發現原來自己仍然係一個"笨"人...........................

農婦... 係1992年信主的.... 之前在天主教中小學讀書... 再係大學俾學園傳道會的人"圍攻"... 都不為所動....但一畢業的半年內.. 就信左主...

其中, 有一個兄弟的分享對我的影響都幾大....

話說當時農婦係礙於好友的"死纏爛打", 才跟她返小組.......小組者... 就係幾個人圍埋唱下歌, 讀下聖經, 再分享下.... 對當時的農婦而言, 一d都唔悶, 仲幾新奇...因為有一大班人會好坦然o甘分享自己的喜怒哀樂俾其他人聽...

某日, 讀緊<<創世記>>有關雅各的生平

(雅各和以掃是孖胎, 未出世, 神便講明會是"大的"(以掃)服侍小的(雅各). 但雅各長大後,仍舊用自己的方法"爭取"長子的權益(包括欺騙自己的父親), 導致要為了避開以掃的追殺而離鄉背井... 去投靠舅舅, 後又被舅舅o厄...雅各再用自己的方法去千返自己的舅舅...)

兄弟分享話...明明神有言在先, 但雅各仍只懂得用自己的方法去"wea", 去"爭"... 到頭來, 弄得自己焦頭爛額...我們也是如此的笨, 明明神應許在祂裡面有生命, 有豐盛, 我們還是用自己的方法去"wea", 去"爭"...

當時農婦"叮"一聲...覺得正是自己的寫照.... 之後...經過一番的祈禱和讀經...便做左基督徒... 也真的得嘗以前從未有過的安全感

講左一大爛餐, 同農婦升職同笨有乜關係?? 話說農婦在大機構做, 升職有程序.... 攪好耐先通知你得唔得...在結果公怖的前個幾月... 已有可信消息人士(仲要係兩名)通風報信[農婦當然視佢為天使)... 但農婦在收到"料"後仍然唔安樂...去日本旅行的心情也受影響....派彩當日...才知自己仍是"雅各"...好唔抵呀!!!