話說農家在農婦細時一向都唔多願投資—多風險嘛. 農婦上堂聽老師講話買藍籌好 (當然完全不知何謂藍籌)…. 返屋企講… 被全家鬧到一面屁 ….

 

時至今日 …. 農家已變成全家皆股. 農爸是隱蔽老年, 在家打電話, 悄悄的入, 贏就大聲哈哈一下

… 農婦則視買股為貯銀兩退休,
 但見breakeven point 在HSI 16xxx… 都有d 心傷…
. 希望努力將breakeven point 帶落 HSI 15000 樓下…. 希望個市遲 一兩 個月就d, 等我有機會 “溝淡”

講到買股, 最有趣應數農媽, 農媽每天準時上堂, 在 “交易現場” 同一眾股民共同進退, 中午小休回家吃飯, 下午再往大堂“交易現場”博殺去也 – 簡直勤力過返工.

農婦見呢幾日個市勁升, 口痕問農媽有無斬獲… 農媽即哈哈哈…

. 話買左唱歌個間, 大賺…. 農婦心諗… 白花油王子大升mei?? 再問農媽邊間… 農媽繼續講外星話: “又唱歌又開酒店”… 跟住up … 有容祖兒呢…農媽又話係電腦話好(農婦又心諗: 天呀! 連邊個財星or財演老點都唔知呀!
), 佢睇都覺得好,
就入市…. 身邊山東婆問佢買乜, 佢又話俾人聽……. 一day 後(即5月7日)就沽…話賺左成萬蚊(本都只係幾萬)….山東婆不斷多謝農媽, 話要請佢飲茶, 話佢成世人未試過贏甘多(農婦再心諗: 埂係, 你盲中中跟人買…
.) 農婦不停勸農媽, 佢又唔識, 千祈咪話俾人知買乜, 人地輸左實怪你…. 但我諗, 農媽實唔理我
, 唯有希望農媽傻人有傻福, 有事識走鬼啦!!  

 

(看官可能估到, 農媽濛查查買的, 是英皇娛樂酒店有限公司 (00296) 6 May 0.5X 7 May .6X)

附: 有用工具

http://www.hsi.com.hk/HSI-Net/HSI-Net  (download -> monthly report weighted ratio

http://www.etnet.com.hk/www/tc/stocks/quote_dividend.php?code=5 (divident checking)

arrow
arrow
    全站熱搜

    農婦 發表在 痞客邦 留言(24) 人氣()

    E-mail轉寄