夢想出走、夢想吾撈、夢想美食

澳門的六記, 是農婦最愛的食肆之一, 去澳門, 最重要的兩吃是 老布松 加 六記

農家的standard menu

1. 無論幾飽都一人一碟的 --- 蝦子撈麵

麵香, 有咬口(但不是"彈", 農婦不是貓, 不愛吃橡筋),蝦子亦香

2. 好味到無人有的錦滷雲吞

雲吞皮是自壓的, 錦滷汁酸酸甜甜... 一流

這水蟹粥不是standard menu item... 上次叫一窩...一隻大蟹不足以"對付"一窩粥底..... 味偏淡 ,

今次叫一碗, 蟹當然細隻dd, 但已足夠"照顧"一碗粥水的分量.... 好吃... 好好好好吃 (註: 宜在秋天蟹肥時吃)

下圖呢, 是深水的劉森記 ... 雲吞水餃都ok... 但羅富記都okok boh....

這個 .... 農婦一底頭去吃便知"出事".... 完全嗅不到一丁點蝦子香 (大佬!! 好似好多蝦子o架啦boh)... 再來吃麵....也不香...

農婦即使給多多的感情分(大家都是香港人嘛)...都只能說... 農家而言, 六記贏劉森記成條街

後記: 農公說: 在香港吃蝦子撈麵, 我煮好了.... 家中用清水煮張榮記的麵, 再加煎香的澳門祥記蝦子(六記不賣蝦子, 唯有退而求其次....) 又真的比劉森記的好吃多了.....

但農婦不服輸, 會去楊記(或其他高人recommend 的麵檔)試試