夢想出走、夢想吾撈、夢想美食

12月頭… (嘩…個entry好新!)…農姊個客送來兩張水舞間門票…農姊夫自然無興趣….. 問農婦…講真… 要錢實唔去…但有人請…就死唔蝕底去左….

入CotaiJet fb fans… $100 來回船票… 1:30p.m.去… 10:30p.m.回(嘩…好耐無試過即日來回….)…

本來諗住去到吃小吃(冷糕…劉記豬扒包….)…但農姊未吃午餐…話餓…死死地氣陪佢去官也街(近嘛)…. Santos… closed?!….成條街人頭洪洪…就去左吃公雞….一開始…個salad (唔夠酸)…(自己加dd醋)都幾好味…馬介休球都唔錯…. 到個蜆…唔夠酒蒜芫荽… 個牛(農姊是牛精…)…農婦吃了dd…唔難吃…但吃完…就覺都唔少味精…. 唔…. 公雞…可以certified (死左)….

跟住無野做…本來諗住去青洲….但搭錯bus…環遊澳門….見時間差不多…就又吃dinner… 呢間順德公…又係第一次去….(同好有冒險精神的農姊尋吃…其實都幾冒險)….

乳鴿…可以…但唔juicy…個菜…都老老地…呢隻奄仔蒸蛋…隻蟹d羔好吃…但個蛋…嘩…老到….吃完…不得了…. 爆多味精….又無乜時間… 就飛左去新濠天地先啦…..

去到….問靚靚姊姊路….唔係呀fa… “今晚無表演?!!”…正當農婦想嚼農姊…話佢好又睇錯日子(唔係第一次)…靚靚姊姊就好驚恐甘拉埋我地去一邊…叫兩個工作人員解釋…話咩咩機件故障….可退票云云…. 去到退票處…就一人一張訂票coupon…加$1200 cash…攪到本來想發作的婆娘收晒聲….

農婦唔賭… 但農姊最近學識玩輪盤…手痕…去玩左兩手…….…農婦d味精毒未解….拎左呀嬸杯可樂…嘩…好難飲…就o甘…農婦做完一day茄哩啡